Kosovë, motociklistët, asnjë incident

Ky grup kishte ardhur mbrëmë vonë në Kosovë dhe thoshte se do të mbante koncert. Lidhur me këtë aktivitet ja se çka i deklaroi Radios Evropa e Lirë, zëdhënësi i policisë rajonale të Kosovës në Mitrovicë, Sami Mehmeti.

“Koncerti ka përfunduar pas orës 12 të natës, dhe në të kanë marrë pjesë 2000 – 2200 vetë. Grupet e motoristëve, që kanë hyrë mbrëmë në Kosovë, deri në mëngjes, e kanë lëshuar territorin e Kosovës në grupe më të vogla.

Nuk ka pasur incidente, përveç një aksidenti në fshatin Rudare, kur një prej motoristëve ka dalë nga rruga dhe ka pësuar lëndime të rënda trupore”, tha Sami Mehmeti.

Më herët mediat serbe kanë raportuar se më se një mijë motoçiklistë nga Serbia, mbrëmë kanë arritur në pjesën veriore të Kosovës, për të mbajtur një koncert me muzië rock.

Banorët serbë të pjesës veriore me duartrokitje e kanë pritur ardhjen e motoçiklistëve. Motoçiklistët kishin kanë kaluar në Jarinjë.Organizues të këtij aksioni thanë se viteve të mëparshme kishin sjellë ndihma humanitare dhe kishin dhënë gjak, ndërsa për këtë vit përgatisin ndihma në ilaçe, që do të duhej të arrinin nga Beogradi dhe t’u jepen serbëve në Kosovë.

Top Channel