Zjarr ne Kalane e Gjirokastres
29/06/2012 23:50
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një zjarr aksidental përfshiu faqen ballore të Kalasë së Gjirokastrës përgjatë gjithë pjerrësisë së skarpateve.
Nga zjarri është djegur gjithë bimësia me shkurre dhe akacie. Në shuarjen e flakëve u angazhuan dy zjarrfikëse, forcat e policisë, banorë të zonës si dhe turistë që ishin në ato momente në kala.
Mendohet që zjarri të jetë shkaktuar nga ndonjë pakujdesi e kalimtarëve që mund të kenë hedhur bishta cigaresh.
Zjarri i ndihmuar edhe nga era ka vështirësuar punën e zjarrfikësve për shuarjen e tij.
Ndërkohë, një banesë u përfshi nga flakët në fshatin Xenkë të Divjakës.
Banesa ishte në pronësi të Muhamet e Ruhije Qato, dy të moshuar që jetonin vetëm.
Për fat të mirë nuk ka patur të lënduar, ndërkohë që zjarri ka shkrumbuar gjithcka. E gjithë banesa është djegur në pak minuta.
Shkak i zjarrit mësohet se ka qënë një shkëndijë elektrike në sobën e korentit. Për shuarjen e flakëve u angazhuan zjarrfikëse si edhe banorët e fshatit.
Top Channel
