LDK kundër rritjes së cmimi të energjisë
23/06/2012 17:50
Mbishkrimi “Kosova është Serbi”/ Të arrestuarit në Kosovë pjesëtarë të ushtrisë së Malit të Zi 27/11 18:31
Lidhja Demokratike e Kosovës ka reaguar kundër rritjes së çmimit të energjisë elektrike duke deklaruar se kjo rritje në radhë të parë rëndon mbi buxhetet e familjeve kosovare, të cilat, sipas LDK, edhe pa rritjen e këtij cmimi jetojnë në varfëri.
LDK fajëson për këtë qeverinë. “Rritja e çmimit të rrymës, thuhet në deklaratën e LDK, reflekton paaftësinë e Qeverisë Thaçi për të revitalizuar këtë sektor strategjik në Kosovë. Në letrën dërguar Fondit Monetar Ndërkombëtar, Qeveria e Kosovës e bën të qartë se do të kërkojë rritjen e çmimit të energjisë për të mbuluar problemet me deficitin buxhetor, kështu që kjo konsiderohet se është rritje politike e çmimit të energjisë”.
Në fund, LDK kërkon që vendimi për rritjen e cmimit të mos miratohet, pasi sipas saj ka mënyra alternative për të përmirësuar gjendjen e KEK-ut, duke përmirësuar sistemin e shpërndarjes e duke shmangur vecanërisht humbjet në rrjet.
Top Channel
