Aksidenti i Qafë-Krrabës, burg pa afat shoferit

Në aksidentin në fjalë mbetën të plagosur disa delegatë dhe shoferi dyshohet se është përgjegjës për shkelje të rregullave të qarkullimit rrugor.

Burime policore bënë me dije për “Top-Channel” ditën e martë se Biçaku është dërguar në burgin e Peqinit, ku do të presë fillimin e procesit ndaj tij.

Më parë, drejtuesi i autobusit fajësoi një “Land Rover” të ri, që e goditi, duke e nxjerrë nga rruga e duke e hedhur në humnerë.

I njëjti version është mbështetur edhe nga të gjithë udhëtarët e tjerë, por policia nuk ka arritur të identifikojë ende asnjë mjet që i përgjigjet përshkrimit të të përfshirëve në këtë incident.

Në paraqitjen e fundit publike, në emisionin “Shqip” të Rudina Xhungës, lideri i “AK”-së, Kreshnik Spahiu, bëri edhe një herë më shumë thirrje që strukturat shtetërore të vihen në lëvizje dhe të bëjnë zbardhjen e plotë të ngjarjes.

Top Channel