Ministri i Brendshëm i Kenias, George Saitoti, humbi jetën ditën e dielë në një aksident ajror.
Ai ishte duke udhëtuar në bordin e një helikopter, i cili u përplas pak pas ngritjes në afërsi të kryeqytetit Najrobi.
Zëvendësi i tij, Orwa Ojode ishte midis gjashtë personave të tjerë që humbën jetën në këtë ngjarje tragjike.
Kryeministri i Kenias, Najib Balala konfirmoi vdekjen e ministrit në një mesazh në rrjetin shoqëror “Twitter”, duke iu referuar burimeve të ardhura nga zyra e informacionit të presidentit Mwai Kibaki.
Aktualisht, nuk ka asnjë të dhënë për arsyen e përplasjes. Saitoti synonte të shpallte kandidaturën e tij në zgjedhjet e ardhshme presidenciale, më vonë gjatë vitit.
Top Channel
