Kanada, vijon tmerri i vrasësit manjak
07/06/2012 09:25
Alarm i kuq në Rumani, bllokohet transporti ajror dhe rrugor për shkak të reshjeve të dendura të borës 18/02 17:17
Copat trupore të dërguara në dy shkolla të Vankuverit vinin nga Montreali dhe ka të ngjarë që të jenë nga trupi i personit të vrarë nga aktori i filmave pornografikë.
Lajmin e ka bërë të ditur policia kanadeze. Luka Rocco Magnotta, 29 vjeç, dyshohet për vrasjen e të dashurit të tij kinez Jun Lin në Montreal dhe postimin e copave të trupit të tij në selitë e partive politike të Kanadasë.
Ai u arrestua ditën e hënë në Berlin dhe një ditë më vonë u paraqit në gjykatë. Tani, të dyja shkollat e Vankuverit kanë rihapur dyert pas mbërritjes së pakove që tmerruan nxënësit.
“Ato ishin të njëjtat pjesë trupi që po kërkonim”, ka deklaruar shefi i policisë kanadeze Ian Lafreniere, i cili ka shtuar se pjesët e trupit janë dërguar në Montreal për testin e ADN-së.
Ndërkohë, koka e studentit kinez nuk është gjetur ende. Zoti Laferniere deklaroi gjithashtu se pakot ishin lokalizuar në zyrat postare të Montrealit.
Ditën e mërkurë, policia e këtij qyteti njoftoi se në disa prej pakove ndodheshin edhe mesazhe të shkruara. Zyrtari i policisë tha se një prej këtyre mesazheve ishte gjetur edhe në pakon që mbërriti në selinë e Partisë Konservatore, por nuk dha detaje të tjera.
Top Channel
