Francë, në pranga grupi antisemit
07/06/2012 21:40
Kina godet produktet e qumështit evropian, tarifa deri në 42.7% për importet nga BE 22/12 13:02
Policia franceze vendosi në pranga një person të akuzuar për goditjen me çekiç të tre hebrenjve, në një sulm të motivuar nga paragjykimet racore.
Ngjarja ndodhi në qytetin e Vilurbanës dhe i dyshuari, pjesë e një grupi me bindje të ekstremit të djathtë, u vetdorëzua në polici pasi ishte shpallur në kërkim kombëtar.
Ai është personi i pestë që ndalohet në lidhje me këtë ngjarje, në të cilën u përdorën edhe disa mjete të tjera të forta.
Një seri ngjarjesh me karakter antisemit kanë pasuar vrasjen e katër të rinjve në një shkollë hebrehe në Tuluzë, nga një shtetas me origjinë algjeriane.
Viktima të sulmit të Vilurbanës ishin tre të rinj që mbanin veshje hebrehe në daljen e tyre nga shkolla.
Një grup i vogël përsonash u panë duke i ofenduar, përpara se të sulmoheshin nga më shumë se dhjetë njerëz njëkohësisht.
Secili prej adoleshentëve mori plagë të thella dhe u trajtuan në spital, ku vazhdoj të ndodhen jashtë rrezikut për jetën.
Top Channel
