Kinë, ngadalësohen eksportet
10/05/2012 00:00
BE-ja sanksionon financuesit e Hamasit, ngrinë asetet e disa kompanive 28/06 21:24
Rritja e eksporteve dhe importeve të Kinës është ngadalësuar në muajin
prill, duke ngjallur frikën për një ngadalësim të ndjeshëm të ekonomisë
së saj dhe për një lehtësim të politikës monetare.
Eksportet u ngritën me 4.9 për qind në prill, duke rënë nga kuota 8.9 për qind e regjistruar në muajin e mëparshëm, sinjal ky që tregon se kërkesa botërore po bie.
Ndërkohë, importet u rritën me vetëm 0.3 për qind, nën 5.3 për qind që u regjistrua në mars, sinjal ky që tregon se edhe kërkesa e brendshme po bie.
Kina është përpjekur të nxisë konsumin e brendshëm për të ribalancuar rritjen e saj.
“Është një shifër befasuese. Ajo që po shohim në Kinë në këtë moment është një ekonomi shumë e ekspozuar ndaj paqëndrueshmërisë”, ka deklaruar Alistair Thorntorn, ekspert i Global Insight në Pekin.
“Është e qartë se situata në Evropë po dëmton performancën e eksporteve kineze dhe po prek në tërësi rritjen ekonomike të saj”, ka shtuar eksperti për BBC.
Rritja agresive e ekonomisë së Kinës në vitet e fundit u shoqërua me një rritje të inflacionit dhe të çmimeve të pronës.
Si pasojë, Pekini prezantoi një seri masah të ndryshme, përfshirë frenimin e huadhënies, në përpjekje për të marrë nën kontroll rritjen e çmimeve të pronës dhe mallrave për konsum.
Top Channel
