Deklarata e Erdogan për fenë, polemika në Turqi

“Ka vetëm një besim për Turqinë”, deklaroi Erdogan. Kaq mjaftoi që ndaj tij të mbërrinin kritika të forta nga ushtria dhe opozita, dy zërat më të fortë të shtetit laik në Turqi. “Kryeministri Erdogan po synon progresivisht të islamizojë shtetin turk”, akuzoi opozita vendase.
Por ndjesa e Erdogan ka mbërritur menjëherë; “Ishte një gabim dhe kritikat janë të justifikuara”, deklaroi kryeministri turk.

Partia politike e Erdogan gëzon mbështetje të gjërë popullore dhe falë kësaj mbështetje kryeministri turk ndryshoi edhe Kushtetutën, duke vënë para drejtësisë civile gjeneralët që akuzohen për grusht shteti, që ndalohej para ndryshimeve. Megjithatë, kur është fjalë për futjen e besimit fetar në strukturat shtetërore, pjesa më dërrmuese e turqve janë kundër.

Laiciteti i shtetit është një parim i vendosur që nga themeluesi i Turqisë moderne, Kemal Ataturk pas Luftës së Parë Botërore.  

Top Channel