Somali, sulmi kamikaz, vriten dy deputetë
01/05/2012 21:10
Hillary Clinton akuzon Trumpin për fshehje të çështjes Epstein, pak para dëshmisë së saj 17/02 16:37
Shtatë persona, përfshi edhe dy deputetë, mbetën të vrarë në një sulm vetvrasës në qendër të Somalisë, informuan të martën autoritetet e qytetit të Dusa Marebit.
Dëshmitarët pamorë thanë për korrespodentin e BBC-së se sulmi shënjestroi një grup prej 20 politikanësh, të ulët në ambientet e jashtme të një kafeje.
Ata kishin udhëtuar për t’u takuar me banorët vendas të Dusa Mareb, një qytet i krahinës së Galgadudit, e cila kontrollohet nga forcat paraushtarake që përkrahin qeverinë qëndrore.
Grupi islamist i Al-Shabab mori përsipër përgjegjësinë e atentatit. Ndonëse organizata e lidhur me Al-Kaedën është nën presion nga goditjet e disa forcave ushtarake në disa fronte në Somali, terroristët vazhdojnë të ndërmarrin aksione të ndryshme ndëshkuese në vend.
Sipas informacioneve, midis të plagosurve në këtë sulm ishte edhe ish-Ministri i Brendshëm, Ahmed Abdi Salam.
Top Channel
Hillary Clinton akuzon Trumpin për fshehje të çështjes Epstein, pak para dëshmisë së saj 
