Spanjë, papunësia në nivele rekord
27/04/2012 00:00
SHBA akuzon iranian se ka hakuar fushatën e Trump: Duan të pengojnë zgjedhjet presidenciale 27/09 20:59
Papunësia në Spanjë prek një rekord të ri. Sipas të dhënave të fundit të publikuara nga agjencia kombëtare e statistikave në vendin iberik, numri i të papunëve në fund të muajit mars ka shkuar mbi 5 milion e 600 mijë, e përkthyer në përqindje, 24.4 përqind e popullsisë së aftë për punë.
Spanja ka nivelin më të lartë të papunësisë në Bashkimin Europian ndërsa pritet që panorama të përkeqësohet më tej.
Lajmi publikohet pasi agjencia e vlerësimit të kreditimit, “Standard and Poor’s” zhvlerësoi Madridin, edhe pse qeveria e Mariano Rayoi shpalli sërish reduktime të rënda të shpenzimeve publike.
Një zhvlerësim i normës do të thotë se ekonomia spanjolle tashmë është më e paqëndrueshme dhe kjo do të reflektohet me një shtrenjtim të huamarrjes për Madridin zyrtar në tregjet ndërkombëtare.
Tashmë, Spanja vlerësohet me normën BBB+ dhe ekspertët parashikojnë se mund të jetë e detyruar të marrë më shumë hua për të mbështetur sektorin bankar në vështirësi.
“Standard & Poor” gjithashtu parashikoi një recesion prej 1,5% të ekonomisë spanjolle gjatë 2012, duke kundërshtuar kështu vlerësimin e tij të mëparshëm për qëndrimin në stanjacion.
Top Channel
