“Standard & Poor†zhvlerëson Spanjën
27/04/2012 09:20
Namibianët presin ‘përmirësime’ nga zgjedhjet parlamentare të së mërkurës (fotot)
26/11 18:51
Kompania e vlerësimeve financiare, “Standard & Poor”, zhvlerësoi normën e kreditimit të Spanjës dhe paralajmëroi se në mungesë të shenjave të dukshme të përmirësimit, mund të ulë edhe më tej vlerësimin e saj.
Një zhvlerësim i normës do të thotë se ekonomia spanjolle tashmë është më e paqëndrueshme dhe kjo do të reflektohet me një shtrenjtim të huamarrjes për Madridin zyrtar në tregjet ndërkombëtare.
Tashmë, Spanja vlerësohet me normën BBB+ dhe ekspertët parashikojnë se mund të jetë e detyruar të marrë më shumë hua për të mbështetur sektorin bankar në vështirësi.
“Standard & Poor” gjithashtu parashikoi një recesion prej 1,5% të ekonomisë spanjolle gjatë 2012, duke kundërshtuar kështu vlerësimin e tij të mëparshëm për qëndrimin në stanjacion.
Rritja në 2013-n duhet të jetë prej 0,5%, nga më shumë se 1% që ishte parashikuar më parë.
Në raportin e tij, “S & P” evidentoi se vendi ka nevojë të menjëhershme për të krijuar vende të reja punësimi dhe një sektor bankar më dinamik e më të qëndrueshëm.
Aktualisht, Spanja është vendi i BE-së më i goditur nga papunësia, me 23% të popullsisë aktive dhe një në dy të rinj që nuk është në gjendje të sigurojë një punë.
Top Channel
