Kinë, Bo Xilai përgjonte presidentin
26/04/2012 09:55
Analiza/ Cilat janë pengesat për arritjen e armëpushimit mes Izraelit dhe Hezbollahut? 26/11 09:34
Pasi u vendos heshtja në Kinë, ku në web nuk është e mundur të kryesh kërkime mbi argumentin, rënia në dëshpërim e liderit komunist Bo Xilai vazhdon të jetë objekt zbulimesh në shtypin perëndimor.
Prestigjozia “Neë York Times”, duke konfirmuar zërat e shtypit të Hong Kongut, shkruan për arsyen e vërtetë të rënies së Bo, që ishte në momentet e ngritjes në karrierë.
Sipas gazetës, shkak për rrënimin e politikanit u bë zbulimi se kishte përgjuar bisedat telefonike të liderëve kinezë, mes të cilëve presidentin dhe njëkohësisht sekretarin e Partisë Komuniste, Hu Jintao.
Çështja e Xilai u komplikua tej mase, pas dyshimeve se ai vetë dhe bashkëshortja e tij, Gu Kailai, janë përfshirë në vdekjen e një biznesmeni britanik.
Skandali politik i Bo Xilai, i cili u shkarkua nga detyra në rangjet e larta të partisë, konsiderohet si ndër më të mëdhenjtë të regjistruar në dekadat e fundit në Kinë.
Pas përjashtimit të tij, për shkelje serioze të disiplinës, kryeministri kinez Uen Jiabao bëri thirrje për masa më të forta kundër korrupsionit.
Top Channel
