Shoqëria Civile për Presidentin

Ato rekomandojnë konsensus dhe përfshirje më të gjërë, bashkëpunimi dhe trasparencë më të madhe gjatë kësaj procedure.

Në një deklaratë të përbashkët thuhet se Kreu i Shtetit përfaqëson unitetin e popullit, ndaj e bën të domosdoshme frymën e mirëkuptimit dhe të dialogut konstruktiv gjatë këtij procesi.
 
“Klasa politike, pa dyshim ka një rol të rëndësishëm në këtë proces, por e shikojmë të nevojshme të theksojmë se zgjedhja e kryetarit të shtetit nuk  mund dhe as nuk duhet të jetë monopol i partive politike parlamentare. Konsensusi i gjerë për zgjedhjen e  Presidentit, si dhe diskutimi e konsultimi me grupe të ndryshme shoqërore, si ato të sektorit akademik, të shoqërinë civile, specialistë të shquar të medieve, organizatat e profesionistëve etj., do ta bënin më gjithëpërfshirës dhe transparent këtë proces”, vijon deklarata .

Përfaqësuesit e 10 organizatave thotë se Presidentin e presin sfida të rëndësishme, të cilat lidhen me zhvillimin e vendit dhe zgjerimin e demokracisë, rritjen e mirëqenies së shtetasve, konsolidimin e shtetit të së drejtës dhe integrimin e vendit në strukturat evropiane.

Top Channel