Ekonomia kineze drejt rënies
10/02/2012 10:15
Arrihet marrëveshja e armëpushimit mes Izraelit dhe Libanit 26/11 19:28
Eksportet e Kinës pësuan rënie në janar, rënia e parë në më shumë se dy vjet, duke ngjallur frikën e një ngadalësimi ekonomik si rrjedhojë e impaktit nga kriza e Eurozonës.
Eksportet u reduktuan me 0,5% në krahasim me muajin dhjetor, ndikuar dukshëm nga rënia e kërkesës botërore, por edhe nga mbyllja disa-ditore e aktivitetit për shkak të Vitit të Ri Kinez.
Së bashku me eksportet, importet gjithashtu u reduktuan me 15,3%, duke bërë që janari të mbyllej me një plus në bilancet tregëtare prej 27,3 miliardë dollarësh, shifra më e lartë në gjashtë muaj.
Rënia e importeve vjen ndërsa Pekini zyrtar është duke u përpjekur të orientojë tregun më shumë drejt prodhimeve vendase, si një mënyrë për të kompensuar rënien e kërkesës nga tregjet e mëdha ndërkombëtare.
Sidoqoftë, analistët parashikojnë që rritja ekonomike kineze të jetë më e ulta e dekadës në 2012-s, ndërsa vendi po jep shenja gjithmonë e më të mëdha nga “infektimi” prej krizës ekonomike botërore.
Top Channel
