Gjermania vendosi të përjashtojë nga vendi katër diplomatë sirianë, të dyshuar si të përfshirë në aktivitete spiunazhi.
Lajmin e konfirmoi të enjten vetë Ministri i Jashtëm i Gjermanisë, Guido Westerwelle. Dy ditë më parë, policia gjermane ndaloi dy persona, me akuzën se i shërbenin Shërbimeve Sekrete Siriane në identifikimin e kundërshtarëve të regjimit të al-Assad në Europë.
Të dy personat janë vendosur nën arrest, por policia lajmëroi se ishin tetë të dyshuarit si të përfshirë në rrjetin e spiunazhit, midis të cilëve edhe disa punonjës të Ambasadas Siriane në Berlin.
Të arrestuarit, një sirian dhe një shtetas gjermano-libanez rrezikojnë dënime të gjata me burgim, por ndaj diplomatëve, si persona të veshur me imunitet, Berlini mund të realizonte vetëm shpalljen e tyre “non grata”.
Top Channel
