Francë, rritja ekonomike vetëm 0,5%
30/01/2012 20:25
Analiza e VOA-s/ Qëndrimet e kandidatëve për president mbi çështjet kyçe të politikës së jashtme 25/06 22:29
Franca reduktoi pritshmërinë e saj për rritjen ekonomike në 2012-n në 0,5% nga 1%.
Ishte vetë kryeministri Francois Fillon, i cili lajmëroi për rishikimin e shifrave zyrtare, në një konferencë për shtyp gjatë së hënës.
“Duke patur parasysh kushtet e përkeqësuara ekonomike, qeveria beson se rritja ekonomike do të jetë më e vogël nga sa besohej më parë, në rendin e 0,5%”, u shpreh Fillon, i cili gjithsesi hodhi poshtë spekulimet për mundësinë e kalimit të ekonomisë së dytë më të madhe në Europë në recension.
Deklarata e Kryeministrit Francez erdhi ndërsa liderat e vendeve të BE-së u takuan në Bruksel, në një samit ku kriza ekonomike dhe papunësia në rritje dominuan bisedat e ditës së parë.
Sidoqoftë, parashikimet e Parisit zyrtar mbeten më pozitive se ato të FMN-së, që parashikon për Francën një rritje prej vetëm 0,2% në 2012-n.
Top Channel
