Ahmadinejad: Sanksionet e BE-së, nuk na prekin

Në një intervistë për televizionin shtetëror në Teheran, presidenti iranian ka komentuar kështu vendimin e BE-së për sanksione graduale kundër Republikës Islamike:

“Njëherë e një kohë shkëmbimet tregtare mes Iranit dhe Europës kapnin 90 përqindëshin, sot janë vetëm 10 përqind. U bënë 30 vjet që Shtetet e Bashkuara nuk blejnë naftën iraniane dhe nuk kanë raporte me bankën tonë qendrore, ndaj mendoj se këto sanksione nuk do të dëmtojnë popullin iranian”, tha Ahmadinejad.

Nga sanksionet e vendosura nga Shtetet e Bashkuara, e më pas nga vendet e Bashkimit Europian, (vetëm pak ditë më parë), pritet të përfitojë Kina dhe vende të tjera që zhvillojnë tregtinë e lirë me Iranin. Teherani gradualisht është po shndërrohet në furnizuezin kryesor me naftës të ekonomosë në rrijte të Kinës.

Vendimi i BE-së mund të ketë ndikim në cmimin e naftës në tregjet ndërkombëtare. Vetë Fondi Monetar Ndërkombëtar paralajmëroi të mërkurën se këto sanksione mund të rrisin cmimin e naftës deri në 30 përqind.

Aktualisht vendi e Bashkimit Europian që shfrytëzon më shumë naftën iraniane është Greqia. Athina siguron 40 përqind të nevojave nga Irani, nisur nga fakti që e blen 5 dollarë për fuci më lirë se sa cmimet e tregut.
Irani është eksportuesi i pestë më i madh i naftës në rank botëror, duke prodhuar mesatarisht rreth 3.5 milion fuci në ditë.

Top Channel