Sarkozy, të dielën në televizion

Ai nuk është ende një kandidat zyrtar në zgjedhjet e ardhshme për Elizeun dhe kjo ka bërë që të lindin dyshime mbi mundësitë e tij për fitore.

Fjalimi i kreut të shtetit do të transmetohet nga televizioni publik “France 2”, nga rrjeti privat “TF1”, njoftoi agjencia franceze e lajmeve “AFP”.

Ndërkohë, zonja e parë e Francës, Carla Bruni ka dalë në mbështetje të bashkëshortit të saj, pikërisht për shkak të dyshimeve që kanë lindur lidhur me pozitën e tij.

“Bashkëshorti im nuk është aspak i dekurajuar. Nuk është në karakterin e tij të jetë kështu”, ka deklaruar Bruni në një intervistë për të përditshmen “Liberation”.

Dyshimet mbi mundësitë e Sarkozy për fitoren e mandatit të dytë kanë lindur së pari brenda së djathtës franceze dhe jo vetëm tek publiku.

Rivali kryesor i Sarkozy në zgjedhjet presidenciale është socialisti Francois Hollande, i cili në fillim të vitit ndezi garën elektorale duke sulmuar ashpër kreun e shtetit.

Në një letër të hapur të publikuar në të përditshmen “Liberation”, Hollande akuzoi Sarkozy se nuk kishte bërë mjaftueshëm për të përmirësuar jetën e francezëve.

Top Channel