Dy trupa të tjerë janë gjetur në bordin e anijes turistike ‘Costa
Concordia’. Një prej viktimave është një 30-vjecare italiane, e cila
ndodhej në anije në udhëtimin e saj për muajin e mjaltit.
Deri më tani bilanci i viktimave ka arritur në 15, ndërsa 22 persona të tjerë rezultojnë të zhdukur.
Nderkohe operacioni i mbledhjes së karburantit nga Costa Concordia ka nisur në orën 6 të mëngjesit të së martës. Do të realizohet heqja e 2400 tonelatave karburant, të cilët janë një rrezik evident për zonën e kësaj pjese te Italise.
Deri të mërkurën parashikohet që të realizohet vendosja e aparaturave nën ujë dhe pompimi i naftës mendohet të nisë ditën e shtunë. Megjithatë kërkimet për të gjetur të zhdukur të tjerë nuk do të ndalojnë.
Top Channel
