Ndërpritet protesta në Merdarë
23/01/2012 00:00
Presion nga Gjermania, Kosova mund të rikthejë mallrat e ndaluara nga Serbia
03/10 13:51
Në një test force dhe qëndrese, për shumë orë me radhë, 4 km larg pikës kufitare të Merdarës, u zhvillua protesta e lëvizjes Vetëvendosje “Serbia nuk kalon”, ashtu siç në fakt duhet të ishte mbajtur më 14 janar.
Kordoni i policisë në protestën e 22 janarit ishte krijuar pak km më tej, në udhëkryqin e Orllanit mes dy urave, ku për orë me radhë u ngujuan protestuesit e Vetëvendosjes me parrullat kundër qeverisë dhe për bashkim kombëtar.
Pas një udhëtimi ku makina e tij u kontrollua nga policia, kreu i lëvizjes Vetëvendosje Albin Kurti shpjegoi arsyet se përse pas shfuqizimit të mocionit për reciprocitet të plotë, VV po protestonte sërish.
“Kjo tregon edhe një herë që qytetarët e Kosovës nuk frikësohen nga përpjekjet e qeverisë kosovare për t’i zmbrapsur”, shpjegon Kurti.
Pas bujës së protestës së mëparshme, në njërën nga urat ishte vendosur dhe William Walker.
“Besoj te e drejta e njerëzve për protestë pa dhunë nëse ata mendojnë se qeveria nuk po sillet siç duhet”, shprehet Walker.
Dhe e tillë do të vazhdonte protesta deri sa ra nata!
Mes temperaturave nën zero dhe kushteve të vështira të rrugëve, protesta kësaj here zgjati më shumë dhe incidenti i vetëm deri në orët e së dielës në darkë ishte rrëshqitja e një personi nga ngricat në anë të rrugës ku qëndronin protestuesit.
Top Channel
