Hungaria rrezikon gjyqin

Komisioni Europian hapi nje dite me pare procedurat për shkelje të pavarësisë së institucioneve shtetërore në Hungari, tre procese gjyqesore qe synojne zhberjen e ligjeve te kontestuara per Bankën Qendrore, gjyqësorin dhe autoritetin e mbrojtjes se te dhenave.

Orban do te ballafaqohet vete me kundershtite ne Parlamentin Europian dhe nese do te kete, sic pritet, polemika te forta, kjo nuk do te ishte hera e pare. Edhe perpara nje viti me fillimin e presidencës hungareze, replikat e tij ndaj zerave kritike ndaj ligjit te ri te Hungarise per median, ishin te ashpra.

Persa i takon ndryshimeve aktuale te kerkuara ne respektim me ligjin europian, Budapestit i eshte dhene nje muaj kohe. nese ndryshimet nuk do te realizohen ashtu sic pretendon ekzekutivi i BE-se, qeveria hungareze mund te dergohet perpara gjykates me te larte te bllokut, asaj europiane te drejtesise.

Ne nje deklarate sfiduese, zedhenesi i Orbanit i doli ne mbrojtje ligjeve duke thene se nuk do te lejojne te majten nderkombetare te akuzoje hungarine me genjeshtra e shpifje ne syte e te gjitheve. BBC e pershkruan vendimin e komisionit si nje shuplake per budapestin, por relativisht te bute. Analistet mendojne se ky ishte me shume nje mesazh politik. Tre ceshtjet e evidentuara nga ekzekutivi i BE-se nuk ishin domosdoshmerisht ato me te rendesishmet, por treguan fushat ku komisioni mund te vertetonte se Hungaria ka shkelur legjislacionin e Bashkimit Europian.  

Top Channel