SHBA, ngrihen akuzat ndaj atentatorit të Obamës
17/01/2012 20:50
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një person në Shtetet e Bashkuara të Amerikës u njoh zyrtarisht me akuzën e tentativës së vrasjes së Presidentit Barack Obama, pasi qëlloi me një armë ndaj Shtëpisë së Bardhë në nëntor 2011.
21-vjeçari Oscar Ortega-Hernandez, nga shteti i Idahos, përballet me 17 akuza të tjera, midis të cilave edhe dëmtimi i një godine qeveritare dhe sulm me armë vdekjeprurëse.
Një komision paraprak e përcaktoi atë si mendërisht të qëndrueshëm dhe të aftë për t’u përballur me gjyqin që do të fillojë së shpejti. Presidenti Obama dhe Zonja e Parë, Michelle, ishin në Kaliforni në kohën momentin e atentatit.
Ortega-Hernandez u arrestua disa ditë pasi të shtënat u regjistruan jashtë Shtëpisë së Bardhë dhe që prej atëherë është mbajtur në izolim.
Ndonëse burimi i urrejtjes së tij ndaj Obamës është i paqartë, autoritetet pretendojnë se nga marrja në pyetje, nuk kanë arsye që të besojnë se i riu është motivuar nga motive racizmi.
Top Channel
