Sonda ruse do bjerë në Tokë më 15 janar

Kështu deklaron Ministria e Mbrojtjes ruse duke përcaktuar tashmë një datë të saktë të rënies së sondës.

Sipas agjencisë ruse të hapësirës, Roskosmos, koordinatat e rënies së
sondës prej 13.5 tonësh do të jenë në 51.4 gradë në veri dhe 51.4 gradë
në jug, një zonë që shtrihet në Jug-perëndim të Afganistanit.

Phobos-Grunt u nis në një mision në datë 8 tetor të vitit të kaluar, por për shkak të një avarie teknike nuk mundi dot të lërë orbitën e Tokës. Për avarinë, rusët akuzuan Shtetet e Bashkuara, të cilat sipas tyre, indirekt kishin sabotuar misionin rus për në Mars.

Shkak sipas një gjenerali rus, ishte një satelit amerikan që merrej me studimin e fushës elektromagnetike të Tokës. Pikërisht ky satelit, sipas rusëve, kishte ndërhyrë duke nxjerrë jashtë kontrollit Phobos-Grunt. Sonda nuk u përgjigjej më komandave të lëshuara nga qendra hapësinore ruse.

Nëse gjithcka do të shkonte ashtu sic ishte parashikuar, sonda ruse do të ulej në Phobos, njëri prej satelitëve natyrorë të Marsit dhe misioni ishte mbledhja e provave për cështje studimore të sipërfaqes së satelitit dhe planetit Mars.

Top Channel