Itali, shqiptari vritet nga kunati
11/12/2011 11:35
Debate në KLP, Tiranës dhe Elbasanit i mungojnë 51 prokurorë
18/07 21:17
Një shqiptar 31-vjeçar humbi jetën në qytetin Italian të Pizës, pasi u godit me thikë nga kunati i tij gjatë një zënke familjare.
Lajmi i raportuar mëngjesin e së dielës nga Agjensia Italiane e Lajmeve “ANSA”, është konfirmuar nga forcat e policisë.
Sipas rindërtimit të ngjarjes, agresori 35-vjeçar kërkonte rikthimin e bashkëshortes së tij, me të cilin kishte një vajzë dy-vjeçare. Si pasojë e keqtrajtimeve fizike, gruaja ishte transferuar në shtëpinë e të vëllait prej pak kohësh.
Në një debat të nxehtë, vëllai ndërhyri për të mbrojtur të motrën, duke provokuar kështu tërbimin e kunatit, i cili shkoi në makinën e tij, nga ku nxorri një thikë dhe e goditi katër herë viktimën. 31-vjeçari humbi jetën në spital, ndërsa policia vendosi nën pranga vrasësin.
Identiteti i viktimës dhe i agresorit nuk është bërë ende i ditur nga policia italiane.
Top Channel
