Egjipt, rikthehen protestat e dhunshme
20/11/2011 10:50
Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Protesta janë rikthyer përsëri në sheshin Tahrir, në qendër të Kajros, të nesërmen e disa përplasjeve të përgjakshme që sollën vdekjen e dy personave.
Demonstruesit u shpërndarë të shtunën me forcë nga policia, që u detyrua të përdorte gaz lotsjellës, plumba goma dhe të qëllonte në ajër me plumba të vërtetë, por janë rikthyer të dielën në sheshin që u bë qendër e rezistencës kundër ish-presidentit Mubarak.
Forcat e rendit kanë rritur masat e sigurisë dhe kordonat rrethues pranë godinave qeveritare. Protestat janë rikthyer në vendin me 84 milion banorë pasi një gjykatë vendosi që të lejonte pjesëmarrjen e partisë së Mubarakut në zgjedhjet e para parlamentare që do të mbahet që prej rënies së regjimit të tij 32-vjeçar.
Ky është shpërthimi më i dhunshëm në vend që prej rrëzimit të Mubarakut në shkurt dhe vendosin në pikëpyetje të thellë stabilitetin e arritur gjatë muajve të fundit. Ndërkohë, sipas mediave ndërkombëtare, Këshilli Ushtarak që luan rolin e një qeverie të përkohshme, mund të detyrohet të shtyjë datën e mbajtjes së zgjedhjeve.
Top Channel
