Neandertalët u zhdukën prej zgjuarsisë së tyre
17/11/2011 17:05
Zbuloni shenjat që sakrifikojnë më shumë për partnerin! 28/09 17:43
Neandertalët nuk u zhdukën për shkak të konkurrencës me atë që u bë njeriu i sotëm, por sepse ishin shumë të zgjuar për kohën që jetonin.
Ky është përfundimi befasues i Universitetit të Kolorados, në SHBA. Udhëheqësi i studimit, profesori Julien Riel-Salvatore theksoi: “Në shumë drejtime, ata ishin viktimë të suksesit të tyre”.
Kërkuesit studiuan modele kompiuterike për mënyrën se si neandertalët dhe dega e tyre më e afër, homo sapiensat, evoluan në përballje me ndryshimet klimetarike.
”Krijuam një mjedis të njëjtë virtual si në atë kohë, duke përfshirë dhe ndryshimet biologjike, kulturore dhe mjedisore të kohës. Përfundimi ynë ishte befeasues. Ata u zhdukën pasi nuk ishin të lidhur me tokën po aq sa homo-sapiens. Në atë kohë, ata kishin përshtatur mënyra të sofistikuara njerëzore dhe nuk mundën të përshtateshin me ndryshimet ashtu si vëllezërit e tyre, të cilët u futën në shpella dhe mbijetuan”, deklaroi profesori.
Sipas tij, “për një kohë të gjatë është besuar se ata u zhdukën pasi të përballur me homo sapiensat më të zhvilluar, nuk arrinin të siguronin më burime ushqimi. Kjo nuk është e vërtetë. Neandertalët ishin më të zgjuar në kohën që po flasim, por njerëzit e parë përshtateshin më lehtë dhe kjo ishte karta e tyre e suksesit”.
Top Channel
