Google ka lancuar një shërbim të ri, Google Music, që shetë këngë online dhe i hap një sfidë të fortë iTune-it të kompanisë “Apple” dhe faqes Amazon.
Prej së mërkurës, kolosi i internetit ka nisur shitjen e miliona këngëve në Android Market.
Lajmin e ka bërë të ditur menaxheri i Google, Paul Joyce në një konferencë për shtyp në Los Anxhelos, ku dhe u prezantua projekti.
Shërbimi muzikor vë në dispozicion 13 milionë këngë dhe u mundëson përdoruesve që të blejnë këngë përmes Android Market, ku tashmë mund të merren me qera filma e të blihen libra. Përdoruesit do të kenë gjithashtu mundësi të arkivojnë dhe kryejnë transmetimin e 20 mijë këngëve.
Google Music, për momentin, është i përdorueshëm vetëm në Shtetet e Bashkuara dhe në ditët e ardhshme do të jetë i mundur shkarkimi i muzikës në smartphone dhe tablet, me sistemin operativ Android.
Top Channel
