Norvegji, nis gjyqi ndaj vrasësit Breivik

Anders Behring Breivik ka pranuar më parë akuzat për 77 vrasje me paramendim dhe qindra plagosje. Familjarë të viktimave e prisnin në sallën e gjyqit dhe jashtë tij, ku u organizua një protestë kundër tij. Midis parrullave të hedhura, ishte edhe ajo që kërkonte një përjashtim nga ligji, për të lejuar ekzekutimin e masakruesit.

Një njeri me bindje ekstremiste të djathta, 32-vjeçari qëndron i arrestuar që prej 22 korrikut, kur qëlloi me breshëri dhe pa ndalim për më shumë se një orë me një armë automatike, mbi të rinjtë e mbledhur në një kamp pushimi.

Deri më sot, seancat e pyetjeve ishin kryer në mënyrë private për të shmangur ndonjë hakmarrje të mundshme. Mediat ndërkombëtare e cilësuan atmosferën në sallën e gjyqit si të “tensionuar” dhe të “çuditshme”.

Mbi 30 të mbijetuar të sulmeve u sollën në gjyq për të dëshmuar dhe Breivik i sfidoi hapur duke i vështruar drejt e në sy.

Ndonëse gjykata duhet ende të shprehet, Breivik përballet me një dënim të sigurt me burgim të përjetshëm pa lirim me kusht, siç është maksimumi i lejuar nga ligji norvegjez.

Në ditët pas masakrës, ai pranoi autorësinë e vrasjeve, por mohoi të kishte përgjegjësi penale, duke e konsideruar masakrën si “të domosdoshme” për të shpëtuar Norvegjinë dhe Europën nga muslimanizmi dhe multikulturalizmi.

Top Channel