Teherani: Nuk lëvizim nga programi bërthamor

“Botën po e cojnë në rrugë të gabuar pretendimet se vendi ynë është duke kërkuar të zhvilloje armë atomike. Agjensia e OKB-së po diskretiton veten me rreshtimin në krah të akuzave absurde të Amerikës”, ky ishte reagimi i presidentit iranian, Mahmud Ahmadinexhad, ndaj raportit të agjensisë ndërkombëtare të energjisë atomike, ku thuhej se vendi i ajatollahëve është shumë pranë prodhimit të mbushjeve nukleare, ish pak a shume i pritshëm.
 
“Kombi ynë nuk do të tërhiqet as edhe një hap prapa nga rruga që është duke ndjekur. Nuk e kuptoj përse agjensia bërthamore e OKB-së rrezikon prestigjin e saj për ca pretendime absurde amerikane”, tha presidenti i Iranit, Ahamdinexhad.

Pjesa prej 13 faqesh e raportit të agjensisë kushtuar kësaj cështjeje përfshinte pohimet se disa prej aktivieteve të Iranit gjejnë vërtet përdorim civil, ashtu si edhe ushtarak, por disa të tjera kanë të bëjnë në mënyrë specifike me armët bërthamore.

Irani, sipas raportit, ka punuar për krijimin e një bombe atomike, të paktën deri vitin e kaluar dhe ka gjasa që programi të vazhdojë.

Qeveria izraelite reagoi menjëherë duke thënë se tani që e verteta u zbulua, bashkësia ndërkombëtare duhet të veproje për t’i vëne Teheranit fre.

Ekspertët mendojnë se Irani është ndoshta një vit larg nga prodhimi i armëve bërthamore.

Top Channel