Kriza italiane, zhvlerësohen 24 banka

”Tensionet e reja të tregjeve në Eurozonë, sidomkos në Itali dhe perspektiva e keqe e rritjes ekonomike, kanë sjellë një përkeqësim të ri të mjedisit funksional të bankave italiane”, shkruhej në komunikatën e “S & P”, një institucion i specializuar për vlerësime ekonomike.

Në raport, parashikohej edhe që bankat italiane të jenë të detyruara të paguajnë interesa më të larta për borxhet që do të marrin në të ardhmen. Një muaj më parë, “S & P” pati zhlerësuar shtatë banka të tjera, përveç vetë shtetit.

Në listën e bankave të reja të cilave u reduktohet nota vlerësuese, përfshihen “Banka Monte dei Paschi”, “Banco Popolare Sociata Cooperativa”, “Banco Popolare dell’Emilia Romagna”, “Banca Popolare di Milano”, “Banca Popolare di Vicenza” dhe “Banca di Bologna”.

”S & P” shkruante në raport gjithashtu se situata aktuale e “nuk është kalimtare” dhe se “pasojat e saj pritet të zgjasin”. “Shteti italian duhet të reduktojë urgjentisht borxhin e tij dhe të punojë në strategji që do të favorizojnë rritjen”, përfundonte raporti.

Top Channel