Afganistan, dimri kërcënon 2,6 milionë jetë

Ministri i Bujqësisë e cilësoi gjendjen si “jashtëzakonisht” serioze, me 14 provinca ose pothuajse gjysmën e vendit, që është goditur nga thatësira të jashtëzakonshme.

Ai theksoi se pa një plan ndihme ndërkombëtare, e cila do të kushtonte 142 milionë dollarë, Kabuli zyrtar mund të bëjë shumë pak për t’i ardhur në ndihmë milionave shtetasve të tij trë kërcënuar.

Si rrjedhojë e kushteve shumë të ashpra metereologjike të këtij sezoni, shumë fermerë kanë shitur të gjitha bagëtitë e tyre dhe tashmë varen vetëm nga ndihma ndërkombëtare për të mbijetuar në dimrin e ashpër që është duke afruar.

”Rënia e të korrave dhe rritja e çmimeve të ushqimeve kanë krijuar një situatë dramatike për shumë afganë, veçanërisht në veriun e vendit”, u shpreh Ministri, Asif Rahimi.

Gjendja është më alarmante se kurrë edhe për faktin që lufta e vazhdueshme në vend, nuk i ka lejuar njerëzit që të krijojnë rezerva ushqimore.

Thatësira në vitet e fundit ka ndihmuar talebanët që të rrisin numrin e tyre, pasi në shumë raste ata i kanë ofruar ndihmë familjeve më të mjeruara, në këmbim të aktivizimit të tyre në lëvizjen terroriste.

Top Channel