Indonezi, 18 të vdekur në incidentin ajror
01/10/2011 09:50
Modelja e rrjetit dënohet 10 vjet për komplotin e vrasjes me pagesë të rivaleve (fotot)
25/11 17:42
Të 18 personat që ndodheshin në avionin që u rrëzua në perëndim të Indonezisë më herët gjatë javës janë gjetur të vdekur.
Avioni i tipit “Casa C-212” u rrëzua në një zonë malore të Sumatrës ditën e enjte, por moti i keq dhe terreni i vështirë penguan skuadrat e shpëtimit.
Avioni dërgoi një sinjal emergjence përpara se të zhdukej nga radari. Shkaqet e rrëzimit të tij janë ende të panjohura. Mes pasagjerëve ishin edhe katër fëmijë.
“Dy skuadra u ulën nga ajri në zonën e rrëzimit dhe kanë konfirmuar se të 18 personat që ndodheshin në avion kanë vdekur”, ka deklaruar një zyrtar për mediat lokale, pa dhënë detaje të tjera.
Avioni u rrëzua mëngjesin e së enjtes në afërsi të fshatit Bahorok, në veri të Sumatrës, rreth 70 kilometra nga qyteti i Medanit.
Pjesët e tij u zbuluan gjatë një mbikëqyrjeje ajrore. Indonezia bazohet shumë tek transporti ajror, por siguria në këtë sektor është tejet e ulët.
Në maj, 27 persona humbën jetën kur një avion pasagjerësh ra në detin e provincës lindore të Papuas Perëndimore.
Top Channel
