Tajfuni “Roke” përshkon Japoninë

Tajfuni “Roke” aktualisht po i afrohet Fukushimës, ku inxhinierët vazhdojnë përpjekjet për të vendosur centralin bërthamor nën kontroll, pas tsunamit të muajit mars.

Stuhia, me erëra që arrijnë 162 kilometra në orë, kaloi në Tokio duke lënë në këmbë dhjetra mijëra banorë për shkak të pezullimit të lëvizjes së trenave dhe avionëve.

Tajfuni goditi fillimisht të mërkurën Hamamatsun, duke bllokuar rrugën që të con në ishullin e rëndësishëm të Honshut.

Stuhia aktualisht është rrugës për në prefekturën e Fukushimës dhe pritet të vazhdojë drejt bregut veri-lindor, që u dëmtua rëndë nga tërmeti dhe tsunami i 11 marsit.

Korrespondenti i BBC në Tokio deklaron se pellgje të mëdha me ujë radioaktiv vazhdojnë të jenë të pranishme në impiantin bërthamor dhe autoritetet janë të shqetësuara nga mundësia që erërat dhe shirat mund t’i cojnë ato drejt detit, ose t’i përzjejnë me ujërat nëntokësore.

Një zëdhënës i kompanisë që menaxhon impiantin, Tepco, tha se po merret cdo masë e mundshme për të parandaluar dëmet që mund të shkaktojë tajfuni.

Japoni, tajfuni “Talas” shkatërron vendin

Të paktën 50 persona kanë mbetur të vrarë dhe mbi 50 të tjerë konsiderohen të zhdukur pasi tajfuni i fuqishëm “Talas” përshkoi perëndimin e Japonisë.

Stuhia solli shira të dendura dhe erëra të forta që shkonin deri në 108 kilometra në ofër, pasi u përplas në ishullin Shikoku ditën e shtunë.

“Talas” po lëviz tani në pjesën tjetër të Japonisë dhe drejt detit japonez, ka bërë të ditur sot Agjencia Japoneze e Meteorologjisë.

Por agjencia ka paralajmëruar gjithashtu se se shirat e dendura dhe erërat e forta do të vazhdojnë, duke ngritur kërcënimet për përmbytje dhe rrëshqitje toke.

Rreth 500 mijë banorë, pjesërisht nga perëndimi dhe qendra e Japonisë, janë urdhëruar të largohen nga banesat e tyre, bën të ditur agjencia e lajmeve “Kyodo News”.

Disa nga zonat më të goditura duket se janë prefekturat Nara dhe Uakajama, me shtëpi që janë rrafshuar nga përmbytjet dhe rrëshqitjet e tokës.

Pas tërmetit dhe tsunamit të 11 marsit, që shkaktoi dhe krizën bërthamore në Fukushima, duket se Japonia po vuan një tjetër makth natyror.

Japoni, simulohen katastrofat natyrore

Policia japoneze ka bllokuar rrugët kryesore gjatë orës së pikut në Tokio, në kuadër të një tërmeti të simuluar.

Është hera e parë që autoritetet janë përpjekur të simulojnë një bllokim të tillë që do të ndodhte pas një katastrofe.

Banorët në të gjithë Japoninë bëjnë operacione të tilla cdo vit, më 1 shtator. Këtë herë operacioni është marrë edhe më seriozisht, për shkak të tërmetit dhe tsunamit që më 11 mars rrafshoi veri-lindjen e vendit.

Në 09:00, me orëtn lokale, u dëgjuan sirenat e emergjencës dhe policia zbarkoi në rrugë, duke i bllokuar ato.

Për 10 minuta trafiku u ndal në 100 pika të ndryshme në Tokio, zona më e madhe urbane në botë.

Synimi i bllokimit ishte gjetja e mënyrave se si automjetet e emergjencave do të kalonin përmes pikave të ngritura nga policia.

Japonia bën prova katastrofash cdo vit, mëngjesin e 1 shtatorit, që përkon me përvjetorin e tërmetit masiv që përfshiu Tokion në vitin 1923.

Kjo është hera e parë që trafiku është ndaluar. Vendimi u mor pasi tërmeti dhe tsunami i 11 marsit shkaktuan probleme qarkullimi në qytet, edhe pse epiqendra ishte larg në veri.

Shkollat dhe zyrat e bizneseve të ndryshme në mbarë vendin praktikuan gjithashtu evakuimin, ndërkohë që kabineti qeveritar mbajti një mbledhje të simuluar emergjence në zyrën e kryeministrit.

Top Channel