Kenia, shpërthen tubi i naftës, 100 viktima

Shpërthimi ndodhi në zonën industriale të qytetit, të njohur ndryshe si Lunga Lunga, dhe policia me ushtrinë rrethuan zonën, ndërkohë që zjarrfikësit luftonin me flakët.

Tubacioni i naftës kalon përmes zonës së populluar dhe të varfër të Sinait, në qendrën e qytetit të Nairobit, deri në aeroport.

Nga hetimet paraprake dyshohet se shpërthimi është shkaktuar nga një cigare e hedhur në një pusetë të hapur, që po mbushej me karburant.

Karburanti ka rrjedhur nga një cisternë e parkuar në një depo që i përket Kompanisë Keniane të Naftës, ka bërë të ditur një zëdhënës i policisë për agjencinë “Reuters”.

Ndërkohë, banorët kanë deklaruar se pas rrjedhjes, shumë persona vrapuan të mblidhnin naftën e derdhur dhe më pas erdhi shpërthimi që i përfshiu ata.

“U dëgjua një shpërthim i madh, zjarri dhe tymi u ngritën lartë”, ka treguar një banor për agjencinë franceze të lajmeve “AFP”.

Top Channel