Një çift banues në Sunderland të Anglisë ka vendosur që të dërgojë djalin 6-vjeçar në Shqipëri për një shkollim më të mirë.
Petrit Muça me origjinë shqiptare dhe bashkëshortja e tij Juliette Muça, do të dërgojnë djalin e tyre Aleks në Shqipëri në mënyrë që të ketë më shumë mundësi për të avancuar në matematikë dhe lëndët shkencore.
“Djali nuk ka bërë asnjë përmirësim gjatë klasës së parë përsa i përket leximit. Sistemi këtu në Angli i jep prioritet kreativitetit, por fëmijët duhet të mësojnë lexim, matematikë dhe lëndë të tjera shkencore”, shprehet Juliette.
“Të gjithë fëmijët marrin nota të larta dhe kjo nuk ka fare kuptim për mua”, shton Juliette.
Tashmë Aleksi i vogël do të jetojë në Tiranë, tek gjyshërit e tij.
Top Channel
