Greqi, qeveria në listën e dhurimit të organeve

Ky akt ka ardhur pas nje iniciative te ministrit te Shendetësise Andreas Loverdos, i cili ka kohe qe ndodhet ne krye te nje fushate sensibilizuese ne vend per rritjen e numrit te dhuruesve te organeve.

Madje pervec kabinetit qeveritar kane nenshkruar kerkesen e anetaresimit edhe vete gazetaret e te gjitha mediave qe mbulojne sektorin politik.

Sipas deklarates per shtyp qe ka publikuar Ministria e Shendesise, perpjekja per sensibilizimin e gjithe qytetareve per kete veper humane do te jete gjithnje ne rritje.

Mediat vendase shpeshhere kane ushtruar kritike ndaj mentalitetit te qytetareve greke qe radhiten ne vendet e fundit te popujve europiane qe dhurojne organe.Per kete arsye ato i kane thurrur elozhe vendimit te dy familjeve shqiptare ne 6 muajt e fundit, qe megjithese kane humbur te dashurit e zemres kane dhuruar jete te reja nga trupat e tyre.

Ne Greqi vetem 100 persona ne vit ose 10 ne 1 milion, behen dhurues organesh pas vekjes, kur spanjollet qe zene vendin e pare ne Europe dhurojne 3 here me teper.

Familja shqiptare dhuron organet

Pjesëtarët e një familjeje shqiptare në qytetin Rethimno të ishullit të Kretës megjithëse kanë ngelur të shokuar nga vdekja e të dashurit të tyre, pa asnjë hezitim, kanë marrë vendimin e madh humanitar: të dhurojnë jetë të tjera, nga trupi i tij.

41-vjeçari shqiptar Ardian Arapaj, baba i dy vajzave 19 dhe 11 vjeç, me origjinë nga Përmeti, që punonte dhe jetonte në këtë qytet prej mëse 20 vitesh, ka pësuar një hemoragji cerebrale ne muajin korrik dhe me gjithë përpjekjet e mjekëve specialistë të spitalit universitar të qytetit, nuk ka mundur të mbijetojë.

Megjithë dhimbjen e madhe të humbjes së tij, pesë vëllezërit dhe dy motrat e tij kanë gjetur forcën dhe kanë dhuruar disa prej organeve të tij, tek tre pacientë që prisnin prej vitesh në listat e gjata për transplantim organesh.

Menjëherë janë organizuar nga repartet speciale mjekësore dërgimi i mëlçisë tek një pacient i Spitalit Popullor të Athinës dhe dy veshkat, tek dy të tjerë, në spitalin Ipokratio të Selanikut.

Akti i dhurimit të organeve nga familja shqiptare, është rasti i dytë brenda pak muajve, që vihet në qendër të vëmendjes si shembull humanizmi nga mediat greke, të cilat ushtrojnë kritikë ndaj mentalitetit të vendasve që radhiten në vendet e fundit të popujve europianë që dhurojnë organe.

Në Greqi vetëm 100 persona në vit, ose 10 në 1 milion, bëhen dhurues organesh pas vdekjes, kur spanjollët që zënë vendin e parë në Europë dhurojnë 3 herë më tepër.

Miq e të dashur të Ardianit, gjithë komuniteti shqiptar i Kretës, me dhimbje, por dhe me krenari kanë përcjellë për në atdhe trupin e të dashurit të tyre që me vdekjen e tij ka dhuruar jetë të reja.
 

Top Channel