Haga: Asnjë dëshmitar i vrarë
31/08/2011 15:15
“Banjska nuk duhet të ndodhte”, kryeministri serb: Fajin nuk e kemi ne 30/09 12:11
Gjykata ndërkombëtare e Hagës ka hedhur poshtë lajmet e publikuara në disa të përditshme serbe, se një seri dëshmitarësh për krimet e luftës janë vrarë gjatë procesit ndaj Ramush Haradinajt dhe Fatmir Limajt.
Në një njoftim për shtyp, zyrtarja e gjykatës së Hagës, Nerma Jellacic ka deklaruar se, lajmet për vrasjen e dëshmitarëve janë absolutisht të pavërteta.
“Asnjë person nga lista e dëshmitarëve, ose person të cilit Haga i ka vendosur masa mbrojtëse, nuk është vrarë gjatë këtyre dy proceseve”, ka deklaruar Jellacic.
Jellacic ka saktësuar se nga rreth 4 mijë dëshmitarë, të cilët kanë dëshmuar deri më sot në gjykatën e Hagës, 1 mijë prej tyre kanë pasur masa mbrojtëse.
Reagimi i gjykatës së Hagës vjen pasi prokurori serb për krimet e luftës, Vladimir Vukcevic deklaroi për gazetën serbe “Kurir” se, “mbi 40 dëshmitarë në proceset ndaj Haradinajt dhe Limajt janë vrarë ose frikësuar nga njerëzit e këtyre të fundit”.
Top Channel
