Familja e Mlladic padit shtetin serb
20/08/2011 10:35
Tension në veri, BE kritikon Kurtin dhe aksionet e Policisë së Kosovës: Dëmtojnë imazhin ndërkombëtar 16/05 21:12
Familja e gjeneralit Ratko Mlladic, i kërkuar për krime lufte, ka paditur shtetin serb për sekuestrim ilegal të pasurisë.
Konkretisht, bashkëshortja Bosilka dhe i biri Darko pretendojnë se u janë konfiskuar padrejtësisht 14.540 euro, gjatë bastisjes së shtëpisë më 22 shkurt të vitit 2010.
Avokati i familjes Mlladic, Milosh Shaljic, i cili ka ngritur padinë, ka deklaruar se nuk ka pasur asnjë bazë ligjore për konfiskimin e shumës në fjalë.
Ratko Mlladic vazhdon të jetë personi më i kërkuar për krime lufte dhe kundër njerëzimit gjatë luftrave në Ballkan. Arrestimi i tij është vendosur si kusht nga disa vende të BE-së për anëtarësimin e Serbisë.
Kjo e fundit deklaron se po bën përpjekje por nuk po arrin të lokalizojë vendndodhjen e gjeneralit, ndërsa “New York Times” shkruante pak kohë më parë se ai fshihet në një nga lagjet kryesore të Beogradit.
Top Channel
