Zubin Potok, KFOR-i ndalon autobusin me serbë

Sipas agjencisë së lajmeve ”Kosovapress”, autobusët serbë prej tre ditësh nuk po lejohen të hyjnë në territorin e Kosovës as nga Bërnjaku.

Ndërkaq thuhet se në pikën tjetër kufitare, përkatësisht në Jarinje është më lehtë të kalohet, sepse ushtarët amerikanë kërkojnë letërnjoftimet dhe i lejojnë udhëtarët të kalojnë pa vonesa.

Byhler: KFOR, gati të përballet me sfidat

KFOR-i është i gatshëm dhe në gjendje të përballet me të gjitha sfidat në Kosovë.

Kështu ka deklaruar komandanti Erhard Byhler, bën të ditur RTK. Sipas tij, situata e sigurisë në veri është ctensionuar dukshëm prej arritjes së marrëveshjes me Prishtinën dhe Beogradin.

“Megjithatë gjendja mbetet e tendosur, sepse ende nuk janë zgjidhur çështjet politike”, ka thënë Byhler.

Situata në veri

Teksa veriu i Kosovës dhe pikat kufitare tashmë janë nën kontrollin e forcave të KFOR-it policia e Mitrovicës raporton për situatë të qetë në veri të vendit. Zëdhënësi i policisë, Besim Hoti thotë se në dy javët e fundit është reduktuar në masë të madhe kontrabanda me derivate.

Hoti thotë se problemi i vetëm tani për tani është kundërshtimi i banorëve serbë të fshatit Prilluzhë në komunën e Vushtrrisë të cilët me atë të protestave po tentojnë të pengojnë ndërtimin e urës e cila kalon nga ky fshat dhe lidh 12 fshatra shqiptarë përreth.

“Policia është prezente që prej fillimit të ndërtimit të urës, megjithëse çdo ditë ka 40-50 persona që vazhdojnë të kundërshtojnë ndërtimin në mënyrë pasive”, është shprehur Besim Hoti, zëdhënës i Policisë së Kosovës në Mitrovicë.

Top Channel