Kuci: Beogradi nuk vendos për Kosovën

Duke ironizuar me deklaratat e zyrtarëve serbë bërë ditëve të fundit,bën të ditur Kosovapress, Kuçi ka thënë se ata më nuk mund të vendosin për Kosovën.

Kusari: ‘Jo’ propozimit për vulat

Ministrja e Kosovës për Tregti dhe Industri, Mimoza Kusari-Lila, ka thënë se në kufijtë me Serbine do të përdoren vetëm vulat me simbolet e doganave të Kosovës.

“Të vetmet vula që do të përdoren në kalimet kufitare janë ato me simbolet e doganave të Kosovës”, ka thënë Kusari-Lila, duke reaguar në shkrimet e medieve të Beogradit për propozimet e Serbisë që të përdoren vulat e dyfishta.

Ministrja e Kosovës, sipas RTK-së, ka thënë se ky propozim nuk është i pranueshëm për palën e Kosovës. Ajo ka vlerësuar se ka qenë e planifikuar që për vulat doganore të flitet që në fillim të procesit negociator, në mars, por “ekipi i Beogradit e ka komplikuar situatën dhe e ka sjellë gjendjen e tashme në terren”.

“Veriu”, diskutimi zhvendoset në Bruksel

Çështja e funksionimit të dy pikave doganore në veri të Kosovës do të jetë temë e diskutimit të radhës në tavolinën e dialogut teknik mes Prishtinës dhe Beogradit, në raundin e ardhshëm të bisedimeve që pritet të jetë në ditët e para të shtatorit.

Sipas burimeve ndërkombëtare, cituar nga Telegraf, Edita Tahiri dhe Borko Stefanovic do të ulen në tavolinën e bisedimeve në ditët e para të muajit shtator për t’u përpjekur të gjejnë zgjidhjen e problemit të funksionimit të doganave në veri të vendit, të cilat javët e fundit edhe ishin në qendër të trazirave në veri.

Top Channel