Për herë të pestë, gjykatat ukrainase i refuzuan avokatëve të ish-kryeministres, Julia Timoshenko, kërkesën për lirimin e saj.
Gjykata në qytetin e Pechersk refuzoi kërkesën e radhës së përfaqësuesve ligjorë të Timoshenkos të cilët kishin kërkuar lirimin e saj me kusht.
Julia Timoshenko akuzohet se ka ndërhyrë tek kompania shtetërore Naftogaz për të nënshkruar një marrëveshje me kompaninë ruse, Gazprom për importin e gazit në Ukraine pa vënë më parë në dijeni qeverinë.
Ajo u prangos gjatë seancës së parë gjyqësore “për ofendim dhe kërcënim të trupit gjykues dhe dëshmitarëve”.
Për procesin gjyqësor ndaj Timoshenkos u prononcua edhe presidenti Janukovic. Ai refuzoi kërkesat për të ndërhyrë pranë gjykatës për lirimin e saj duke e quajtur këtë veprim si cënim të pavarësisë së pushtetit gjyqësor.
Top Channel
