Këshilli i Sigurimit i Kombeve të Bashkuara nxorri një deklaratë në të cilën dënohet dhuna e ushtruar nga ushtria siriane ndaj popullsisë civile.
Në deklaratë, KS kërkon dhënien e fund menjëherë të dhunës.
“Këshilli i Sigurimit dënon dhunën dhe forcën e përdorur kundrejt civilëve dhe që bie ndesh me të drejtat e njeriut”, thuhet në deklaratë.
Më tej KS kërkon nga të gjitha palët, përfshirë edhe opozitën siriane që të ruajnë gjakftohtësinë dhe të ndalen të gjitha format e dhunës, përfshirë sulmet ndaj ndërtesave të institucioneve shtetërore.
Deklarata vijon me kërkesën që të vihen para drejtësisë të gjithë përgjegjësit e dhunës, por megjithatë nuk rekomandon ndërhyrjen ndërkombëtare në Siri.
Top Channel
