Grosman: Islamabadi të mbështesë përpjekjet për paqe
03/08/2011 13:10
I dërguari i Shteteve të Bashkuara për Afganistanin dhe Pakistanin, Mark
Grosman, i ka bërë thirrje Islamabadit të mbështesë përpjekjet për paqe
dhe pajtim ndërmjet militantëve talibanë dhe qeverisë afgane.
Grosman i bëri këto komente në kryeqytetin pakistanez, ku ka zhvilluar bisedime me zyrtarë të Ministrisë së Jashtme të Pakistanit dhe Afganistanit.
“Nga këndvështrimi im, ky grup i tre vendeve vë në pah rolin unik dhe të rëndësishëm që Pakistani duhet të luajë në mbështetje të procesit të pajtimit”, ka thënë Grosman.
Ushtria e Pakistanit dhe shërbimet e inteligjencës kanë pasur historikisht lidhje me talibanët, ndërsa militantët islamikë janë strehuar në zonat fisnore të Pakistanit.
Top Channel