Komandanti i rebelëve u vra nga milicitë
30/07/2011 13:45
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Një milici islamike është pas vrasjes së komandantit të rebelëve
libianë, gjeneralit Abdel Fattah Younes, që u qëllua për vdekje të
enjten.
Lajmin e ka bërë të ditur një zëdhënës i rebelëve, sipas të cilit gjenerali u vra nga anëtarët e Obaida Ibn Jarrah Brigade, një grup i lidhur me rebelët.
Gjenerali Younes kaloi në radhët e rebelëve në shkurt, pasi kishte shërbyer në radhët e regjimit që prej vitit 1969 kur koloneli Muammar Gaddafi erdhi në pushtet.
Ndërkohë, NATO thotë se ka bombarduar transmetuesit e televizionit publik libian gjatë natës. Aleanca thotë se ka neutralizuar tre transmetues satelitorë në kryeqytetin Tripoli, të cilët u goditën me raketa të telekomanduara.
Top Channel
