Autoritetet në Serbi, edhe pse me kontradikta, gradualisht po distancohen nga liderët serbë ekstremë të veriut të Kosovës.
Kjo reflektohet edhe nga replikat e fundit ndërmjet shefit të ekipit të Beogradit në dialogun me Prishtinën, Borislav Stefanovic, dhe përfaqësuesve serbë të veriut të Mitrovicës.
Milan Ivanovic, përfaqësues i të ashtuquajturës linjë e fortë në veriun e Kosovës dhe kryetar i “Këshillit Kombëtar Serb”, i kundërshton bisedimet dhe marrëveshjet e arritura me Kosovën. “Nuk është dashur që të arrihet deri te këto marrëveshje. Serbët nuk do të fitojnë asgjë nga to”, tha Ivanovic për radion ‘Evropa e Lirë’, bën të ditur Telegraf.
Faktin se Qeveria e Serbisë gradualisht po fillon të tregojë një nivel të zvogëluar të tolerancës ndaj qëndrimeve të grupit të liderëve serbë të veriut të Kosovës, e ilustron më së miri udhëheqësi i grupit negociator serb, Borislav Stefanovic, i cili replikoi ashpër në akuzat që i bën Milan Ivanovic, për tradhti.
Top Channel
