Zëvendëskryeministri dhe ministri i Drejtësisë, Hajredin Kuçi ka takuar
në Bruksel komisioneren për Punë të Brendshme të BE-së, Cecilia
Malmstrom, me të cilën ka diskutuar për sfidat e sundimit të ligjit në
Kosovë, arritjet e Qeverisë në këtë fushë dhe për progresin të cilin
Kosova e ka arritur gjatë këtyre muajve, të cilat do të merren në
konsideratë në Raportin e Progresit të BE-së.
Gjatë takimit, sipas RTK-së, u tha se lufta kundër korrupsionit dhe krimit të organizuar mbeten sfidat esenciale me të cilat Kosova do të ballafaqohet.
Zëvendëskryeministri Kuçi shprehu gatishmërinë e Kosovës për rrugëtim drejt BE-së, por tha se Kosova dëshiron trajtim të barabartë dhe se patjetër që duhet të meritohet çdo integrim në BE. Gjithashtu zëvendëskryeministri Kuçi tha se udhërrëfyesi për liberalizim e vizave është tanimë i merituar nga ana e institucioneve të Kosovës.
Top Channel
