Trazira të rënda janë regjistruar gjatë natës në lindje të Belfastit, në Irlandë, pas mbajtjes së një parade të vogël.
Gjashtë oficerë policie mbetën të plagosur pasi raketa u qëlluan dhe disa automjete u dëmtuan.
Oficerët qëlluan plumba gome dhe përdorën pompa uji për të shpërndarë turmën, ndërkohë që arrestuan 7 persona për trazira.
Trazirat nuk ishin aq serioze sa ato që u regjistruan në të njëjtën zonë rreth dy javë më parë, gjatë të cilave një fotograf u qëllua në këmbë.
Probleme me demonstruesit e djeshëm pati në Castlereagh Street dhe Albertbridge Road.
Policia ndërhyri për të parandaluar përleshjet e dhunshme mes grupeve të vogla nacionalistësh dhe besnikësh në Albertbridge Road, pranë enklavave katolike të Short Strand.
Top Channel
