E-Coli zbarkon në Greqi
02/07/2011 09:35
Skandali me fondet bujqësore, prokuroria europiane kërkon heqjen e imunitetit për 11 deputetë të Parlamentit grek 01/04 10:46
Organizmi i kontrollit të ushqimeve në Athinë ka urdhëruar ndalimin e shitjeve për një sasi mishi dhe qoftesh të ngrira të prodhuara në Gjermani, me të cilat është diktuar prania e bakterit vdekjeprures E-Coli enterohemoragjik.
Bakteri u gjet në supermarketet e zinxhirit “LIDL”. Sipas shefit të Zyrës së kontrolleve ushqimore, është urdhëruar sekuestrimi i menjëhershëm i gjithë sasisë së mishit dhe të qofteve.
Ende nuk dihet cila është sasia e tyre e hedhur sakaq në treg, pasi bakteri është lokalizuar në një ngarkesë që kishte nisur të shpërndahej prej ditësh.
Organizmi i kontrollit bëri me dije se ka filluar hetimet për të parë sa ka arritur produkti i infektuar të shpërndahet dhe ku.
Kjo zyrë deklaroi se produkti i kontaminuar është mish vici dhe qofte me mish vici, në amballazh 1 kg dhe mban emertimin “MAVREST”.
Autoritetet greke u bënë thirje të gjithë atyre që ende nuk i kanë konsumuar këto produkte, t’i asgjesojnë menjëherë, osë të njoftojnë organet kompetente.
Kjo zyrë njoftoi se do të vazhdojë kontrollet edhe për produkte të tjera të dyshuara si mbartëse të E-Colit.
Top Channel
