Protesta e myslimanëve
01/07/2011 21:35
Mbishkrimi “Kosova është Serbi”/ Të arrestuarit në Kosovë pjesëtarë të ushtrisë së Malit të Zi 27/11 18:31
E premtja mblodhi sërish besimtarët myslimanë kosovarë të cilët në shenjë proteste për mungesën e xhamisë e falën namazin në ambient të hapur.
Për dallim nga dy javët e kaluara këtë herë nuk u bllokuan rrugët e kryeqytetit. Gjithçka dukej mirë e organizuar nga lëvizja “Bashkohu”.
Prezenca e policisë ishte e panevojshme pasi rendin këtë herë e mbanin anëtarët e lëvizjes “Bashkohu”.
Namazi u fal në hapësirën që ndodhet ndërmjet Komunës dhe Parlamentit e Komisionit Europian.
Përfaqësuesit e lëvizjes “Bashkohu” namazin e xhumasë e shfrytëzuan për të kritikuar zërat se në Kosovë janë shtrirë rrjete ekstremiste të fesë islame.
Falja e namazit në Prishtinë këtë të premte u ndoq edhe nga mediat ndërkombëtare.
Lëvizja “Bashkohu” tha se kanë rënë dakord me komunën e Prishtinës se në fillim të muajit të shenjtë të Ramazanit do të caktohet vendi për ndërtimin e xhamisë së madhe.
Zëdhënësi i Komunës së Prishtinës konfirmon se janë në kërkim të lokacionit, por nuk mundi të thotë se muaji i Ramazanit do t’i gjejë besimtarët myslimanë me lokacion për ndërtimin e xhamisë.
Pas kryerjes së ritualit fetar, besimtarët myslimanë të cilët në mënyrë të organizuar kishin ardhur edhe nga qendra të tjera u shpërndanë të qetë.
Top Channel
